CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


9688 votos
Votar | | | |


18-03-2008

A Asemblea da CTNL aproba por unanimidade as liñas de acción para o 2008

A Coordinadora de Traballadores/as de Normalización da Lingua (CTNL) celebrou a súa Asemblea Xeral Ordinaria de 2008 o venres 14 de marzo en Santiago de Compostela, na que participaron un bo número de socias e socios, e na que se aprobaron por unanimidade as liñas de acción da asociación para o período interasemblear 2008-2009.

As liñas aprobadas inclúen accións para o cumprimento dos fins da asociación e algúns obxectivos e accións organizativas.


DIVERSAS PROPOSTAS PARA FACER MÁIS EFECTIVO O TRABALLO A PROL DA NORMALIZACIÓN E FORMACIÓN CONTINUA CENTRAN BOA PARTE DAS ACCIÓNS

Para a defensa dos intereses xerais dos traballadores e das traballadoras de normalización lingüística de Galiza e da dignidade das condicións de traballo dos servizos lingüísticos, a CTNL continuará co plan de actuación ante as convocatorias de prazas e contratacións para os servizos lingüísticos das administracións públicas; desenvolverá accións para a creación e consolidación de SNL; e realizará informes e propostas sobre a situación dos traballadores e das traballadoras de normalización da lingua.

Tamén seguirá promovendo a formación continua no eido da normalización lingüística, para o que organizará un curso de aproveitamento de ferramentas multimedia para o traballo en normalización lingüística e mais un curso de avaliación de accións de fomento da lingua. Ao mesmo tempo colaborará coa IV edición do Curso de verán sobre dinamización lingüística que organiza o SNL da UdC, e avaliará a posibilidade de organizar outras accións formativas de introdución ao traballo en departamentos de normalización.

Ademais, en 2008 publicará os resultados do proxecto para a definición dos servizos lingüísticos e os perfís profesionais dos/as traballadores/as de normalización lingüística en Galiza; velará pola creación dos xa anunciados para 2007 Consorcio de Planificación Lingüística e Consorcio de Terminoloxía; coorganizará o II Encontro de política lingüística desde as administracións locais da Coruña; proporá a continuación dos Encontros de normalización lingüística; procurará a realización ou colaboración na realización de encontros e xuntanzas territoriais ou sectoriais para o contacto, información e procura de coordinación e desenvolvemento de accións conxuntas; impulsará a coordinación entre SNL e ENDL; elaborará unha proposta para promover a aprobación ou actualización de ordenanzas de impulso do galego desde as administracións locais; e solicitará a actualización da Lei de uso do galego como lingua oficial polas entidades locais ou a aprobación dunha nova lei neste ámbito.


REFORZAMENTO ORGANIZATIVO, MAIOR VISIBILIDADE SOCIAL E NOVAS COLABORACIÓNS SON ALGÚNS DOS OBXECTIVOS DA ASOCIACIÓN PARA 2008

Neste período interasemblear, a CTNL analizará vías de financiamento para poder contar cun local propio e tamén para a contratación dun coordinador técnico ou coordinadora técnica. Tamén traballará para a posta en marcha de grupos de traballo territoriais e/ou sectoriais, ademais de intentar incrementar o número de socias e socios.

Nos vindeiros meses tamén porá en marcha un novo espazo na rede máis dinámico, atractivo, funcional e participativo e habilitará novos sistemas de comunicación entre os/as asociados/as.

Ao mesmo tempo tamén procurará a colaboración e contacto con outras entidades, colectivos e organismos para cuestións xerais e/ou concretas de interese para a normalización lingüística e traballará coa pretensión de darlle ao colectivo unha maior visibilidade social.


NOVOS/AS SOCIOS/AS E RENOVACIÓN NA DIRECTIVA

Na Asemblea Xeral Ordinaria da CTNL tamén se aprobou a incorporación de 38 novos/as socios/as e ratificáronse seis baixas; aprobáronse por unanimidade os informes de xestión e de contas e aprobouse a incorporación á directiva como vogal de Concepción Diéguez Diéguez, tras a renuncia de Olga Patiño Abeixón logo de moitos anos entregada ao traballo na asociación.

O resto da Xunta Directiva mantense con Nel Vidal Barral como presidente; Xusto A. Rodríguez Río como secretario; Anxos Sobriño Pérez como tesoureira; e Rosario Pérez Magdalena, Rosa Moreiras Cuñarro, Dores Sánchez Alegre, Iván Méndez López e Roberto Rielo Iglesias como vogais.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Agosto de 2022
    mes seguinte
    Calendario da axenda de Artezanía de Galicia
    L M M X V S D
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31     
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego