CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


9879 votos
Votar | | | |


26-11-2007

Arredor de 40 concellos da Coruña reúnense en Mariñán para avanzar na promoción do galego desde as administracións locais

Unhas 75 persoas, entre alcaldes e alcaldesas, concelleiros/as e técnicos/as de normalización lingüística de 40 concellos da Coruña participan o mércores 28 de novembro no Pazo de Mariñán no I Encontro de política lingüística desde as administracións locais da Coruña

No encontro analizarase a responsabilidade das administracións locais na promoción social do uso e prestixio do galego, a creación, impulso e coordinación de servizos de normalización lingüística, a elaboración de ordenanzas locais de impulso á normalización e experiencias de accións conxuntas.

Arredor de 75 persoas, entre alcaldes e alcaldesas, concelleiros e concelleiras de política lingüística e técnicos/as de normalización lingüística en representación de 40 concellos da Coruña reuniranse o mércores 28 de novembro no Pazo de Mariñán (Bergondo) para participar no I Encontro de política lingüística desde as administración locais da Coruña, unha xuntanza organizada pola Deputación da Coruña desde a Unidade Técnica de Normalización Lingüística en colaboración coa Coordinadora de Traballadores/as de Normalización da Lingua (CTNL).

Os obxectivos principais deste encontro son pór en contacto os/as distintos/as responsábeis políticos/as e técnicos/as das administracións locais para compartir experiencias e analizar posibilidades de accións conxuntas, debater e analizar a responsabilidade, as necesidades e as posibilidades das administracións locais na normalización social do uso do galego e deseñar conxuntamente liñas xerais de colaboración e pautas de coordinación e creación de rede entre as distintas administracións.

Na inauguración, ás 10.30 h, participará o presidente da Comisión de Benestar Social, Políticas de Igualdade de Xénero e Normalización Lingüística da Deputación da Coruña, o nacionalista Xoán Manuel Sande, xunto co presidente da CTNL, Nel Vidal Barral. A partir das 11.00 h os alcaldes de Carballo, Fene e Outes, o nacionalista Evencio Ferrero, o socialista Iván Puentes e o popular Carlos López Crespo, respectivamente, debaterán sobre a responsabilidade dos concellos na promoción social do uso do galego. Estarán moderados pola xornalista e locutora da Radio Galega Belén Regueira.

A continuación, a profesora de Dereito Administrativo da USC Alba Nogueira explicará como elaborar/aprobar unha ordenanza/regulamento municipal de usos lingüísticos e, ao mesmo tempo, o deputado responsábel de Normalización Lingüística da Deputación, o nacionalista Xoán Manuel Sande, xunto co presidente da CTNL, Nel Vidal, darán a coñecer as liñas de axuda, as liñas de creación, as funcións e o estatus dos servizos de normalización lingüística.

Xa pola tarde, as técnicas Rosa Moreiras e Olga Patiño, xunto coa hostaleira Begoña Gómez, presentarán unha experiencia de acción conxunta, a campaña de dinamización lingüística na hostalaría de Ames, Rois e Brión.

Finalmente, o contador de historias Quico Cadaval fará unha actuación sobre historias de lingua.

Das conclusións e clausura do encontro encargarase o vicepresidente da Deputación, o nacionalista Pablo Villamar.

No encontro participarán os alcaldes de Cerceda, A Laracha, Cabana de Bergantiños, Val do Dubra, Zas, Outes, Carballo e Fene e as alcaldesas de Melide e Vilasantar. Ademais tamén participarán concelleiras e concelleiros de política lingüística doutros concellos como A Coruña, Santiago de Compostela, Ferrol, Boiro, Dodro, Arteixo, Malpica de Bergantiños, Vimianzo, Ares, Sada, Ames, San Sadurniño, Frades, Abegondo, etc., e técnicos/as de normalización lingüística de máis de 20 concellos da Coruña.

Esta é a primeira vez que se organiza un encontro político destas características para analizar a promoción social do uso do galego desde as administracións locais.

NA PRENSA

40 concellos da Coruña reúnense en Mariñán para avanzar na promoción do galego desde as administracións locais
[En GzNación]

Representantes de 40 concellos da provincia reúnense mañá en Mariñán para avanzar na promoción do galego desde as administracións locais [No web da Deputación da Coruña]

Comeza no Pazo de Mariñán o I Encontro de política lingüística [En Galicia Hoxe]

A Deputación de A Coruña celebra hoxe un encontro de política lingüística entre os concellos da provincia [En Europa Press]

Encontro de Normalización [Artigo de opinión de Xosé Ramón López Boullón en Galicia Hoxe]


Inédito encontro municipal a prol da normalización lingüística nos concellos
[En Vieiros]


Alcaldes, concelleiros e técnicos de normalización lingüística da provincia analizan en Mariñán o papel dos concellos na promoción do uso do galego
[Web da Deputación da Coruña]


As administracións locais da Coruña celebran o I Encontro de Política Lingüística
[En Culturagalega.org]

Técnicos de 40 concellos reúnense para darlle pulo á lingua galega[En Galicia Hoxe]

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Xullo de 2019
    mes seguinte
    Calendario da axenda de Artezanía de Galicia
    L M M X V S D
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31     
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego