CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


9237 votos
Votar | | | |


15-01-2009

XI Encontros para a normalización lingüística

XI Encontros para a normalización lingüísticaOs días 12 e 13 de febreiro terán lugar en Santiago de Compostela os XI Encontros para a normalización lingüística, organizados polo Consello da Cultura Galega en colaboración coa Coordinadora de Traballadores/as de Normalización da Lingua (CTNL).

O prazo de inscrición para os socios e as socias da CTNL remata o 29 de xaneiro.

[Programa e información completa en .pdf]

[Formulario de inscrición]

PRESENTACIÓN

O Consello da Cultura Galega, desde o seu Centro de Documentación Sociolingüística de Galicia e en colaboración coa CTNL, organiza a XI edición dos Encontros para a Normalización Lingüística co ánimo de poñer, un ano máis, ao dispor dos/as principais axentes sociais implicados/as na normalización do idioma galego este foro de debate e reflexión arredor do proceso de planificación lingüística en Galiza.

O momento político no que nos atopamos, de final dunha lexislatura e ás portas doutra nova, esixe un alto no camiño, tanto para botar a vista atrás e avaliar a política lingüística desenvolvida polo Goberno galego nestes últimos catro anos como para que agromen novas propostas e ideas que alumeen as accións políticas futuras. A estas cuestións dedicarase a primeira das dúas xornadas, na que tamén se reflexionará sobre a lexislación lingüística de recente aparición, así como sobre o argumentario xurídico que avala a intervención pública en cuestións de idioma no ámbito privado.

A segunda xornada, cun enfoque máis sociolóxico, centrarase nos seguintes temas: as canles de participación social nas políticas lingüísticas institucionais, a integración sociolingüística e cultural dos inmigrantes e emigrantes retornados e a socialización en lingua galega nos centros galegos do exterior. Como novidade, os Encontros pecharanse nesta ocasión cunha sesión lúdica que nos presentará unha visión orixinal do camiño andado e por andar cara á plena normalización social do idioma galego, obxectivo que inspira a organización deste evento desde o seu comezo.

OBXECTIVOS
  • Contribuír ao estudo, á reflexión e ao debate sobre a planificación lingüística en Galiza

  • Constituír un punto de encontro, análise e debate para todos/as aqueles/as profesionais que desenvolven o seu labor nos diferentes servizos de normalización lingüística e servizos lingüísticos existentes en Galiza

  • Colaborar na formación continua de especialistas en planificación lingüística

DESTINATARIOS/AS
  • Técnicos/as de normalización lingüística que están a desenvolver o seu labor nos diferentes servizos de normalización lingüística e servizos lingüísticos existentes en Galiza

  • Especialistas e estudosos/as do ámbito da planificación lingüística

INSCRICIÓN

Os prazos para a preinscrición son os seguintes:
  • 1º prazo: até o 29 de xaneiro de 2009
    Exclusivo para os colectivos con preferencia:
    -Técnicos/as de normalización lingüística en activo que desenvolvan o seu labor nos servizos de normalización lingüística ou existentes en Galiza.
    -Outros/as profesionais do ámbito da planificación e da dinamización lingüística que estean a traballar actualmente no ámbito público ou privado.
    -Socios/as da Coordinadora de Traballadores/as de Normalización da Lingua (CTNL), entidade colaboradora na organización.

  • 2º prazo: Desde o 2 ata o 8 de febreiro de 2009.
    Aberto a todas as persoas interesadas.

Unha vez confirmada a inscrición pola organización nos encontros deberá efectuarse o pagamento da matrícula.
A cota é de 10 euros e aboarase mediante transferencia bancaria á conta de Caixa Galicia número 2091-0300-47-3110063172.
Non debe realizarse o pagamento da matrícula ata ter recibido confirmación da inscrición.

A inscrición debe facerse a través do seguinte formulario


PROGRAMA DOS XI ENCONTROS PARA A NORMALIZACIÓN LINGÜÍSTICA

XOVES 12 DE FEBREIRO

9.30 h ENTREGA DE DOCUMENTACIÓN

10.00 h INAUGURACIÓN DOS ENCONTROS

10.30 h RELATORIO: Análise da acción de política lingüística desde o goberno galego nos últimos catro anos e propostas para a vindeira lexislatura
NEL VIDAL BARRAL
Membro da Comisión Técnica do Centro de Documentación Sociolingüística de Galicia

11.30 h COLOQUIO

12.00 h CAFÉ-ENCONTRO

12.30 h MESA DE TRABALLO: A necesidade do Consorcio para a Planificación Lingüística

-Por que a figura dun consorcio? Modelo, obxectivos, vantaxes e inconvenientes
LOIS PÉREZ CASTRILLO
Xerente do Consorcio Galego de Servizos de Igualdade e Benestar

-O exemplo do Consorci per a la Normalització Lingüística de Catalunya
PILAR LÓPEZ MARTÍNEZ
Xeranta do Consorci per a la Normalització Lingüística de Catalunya

-A necesidade dun Consorcio para a Planificación Lingüística en Galiza
VALENTÍN GARCÍA GÓMEZ
Membro da Coordinadora de Traballadores/as de Normalización da Lingua (CTNL)

13.30 h COLOQUIO

16.30 h MESA DE TRABALLO: Posibilidades de cooperación nas políticas lingüísticas da Administración local

-O que a FEGAMP pode facer en política lingüística
CARLOS ANTONIO FERNÁNDEZ CASTRO
Presidente da Federación Galega de Municipios e Provincias (Fegamp)

-Cooperación en política lingüística cos concellos desde a Xunta de Galicia
MATILDE BEGOÑA RODRÍGUEZ RUMBO
Directora xeral de Administración Local da Xunta

-Programa de cooperación da Deputación da Coruña cos concellos da provincia
XOÁN MANUEL SANDE MUÑIZ
Deputado responsábel de Normalización Lingüística da Deputación da Coruña

17.30 h COLOQUIO

18.00 h CAFÉ-ENCONTRO

18.30 h RELATORIO: Novidades en lexislación lingüística. Análise das últimas leis aprobadas
ALBA NOGUEIRA LÓPEZ
Profesora de Dereito da USC


VENRES 13 DE FEBREIRO

10.30 h RELATORIO: Canles de participación social nas políticas lingüísticas institucionais
XABIER MENDIGUREN BEREZIARTU
Secretario xeral de Kontseilua (Consello das Organizacións Sociais do Éuscaro)

11.30 h COLOQUIO

12.00 h CAFÉ-ENCONTRO

12.30 h MESA DE TRABALLO: Socialización en lingua galega nos centros de emigrados no exterior

-Actitudes e competencia lingüística nos centros galegos de América
MANUEL SÚAREZ SUÁREZ

-Recursos e planificación nos centros galegos no exterior
CARLOS SIXIREI PAREDES
Secretaría Xeral de Emigración da Xunta

-Actitudes lingüísticas dos fillos de emigrantes en Europa
ESTHER OLVEIRA OLVEIRA
Universidade de Santiago de Compostela

13.30 h COLOQUIO

16.30 h MESA DE TRABALLO: Inmigración e adquisición da lingua en Galiza

-Características socioeducativas dos colectivos inmigrantes en Galicia
DIANA PRIEGUE CAAMAÑO
Grupo Esculca da USC

-A poboación inmigrante e a súa socialización en galego
JORGE JAVIER BURGOS RIVAS
Cónsul honorario de Uruguai en Vigo

-O Plan Galego de Cidadanía e Convivencia. Aplicación e lingua
JOAN RIBOT MARGARIT
Secretaría Xeral de Emigración da Xunta

17.30 h COLOQUIO

18.00 h CAFÉ-ENCONTRO

18.30 h ACTIVIDADE LÚDICA: Contos que non falten
CELSO FERNÁNDEZ SANMARTÍN

19.15 h CLAUSURA DOS ENCONTROS


LUGAR

Salón de actos do Consello da Cultura Galega
Pazo de Raxoi, 2º andar
Santiago de Compostela

[Programa e información completa en .pdf]

[Formulario de inscrición]



Ligazóns relacionadas


Programa e información completa en .pdf dos XI Encontros para a normalización lingüística

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Decembro de 2022
    mes seguinte
    Calendario da axenda de Artezanía de Galicia
    L M M X V S D
          1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31  
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • Gústame... o galego
      • En defensa do traballo xusto e ilusionante dos SNL
      • Axenda da lingua
      • Envianos
      • Canles de novas da CTNL
      • Facebook da CTNL
      • Twitter da CTNL
      • Instagram da CTNL
      • Kit para a normalización en rede
      • Queremos Galego
      • Eu.gal: Por un dominio galego