CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


10972 votos
Votar | | | |


28-05-2009

A CTNL mantén un primeiro contacto co secretario xeral de Política Lingüística e trasládalle as súas principais reivindicacións

CTNLA directiva da CTNL mantivo unha primeira xuntanza co secretario xeral de Política Lingüística para intercambiar impresións, coñecer as súas propostas e trasladarlle as demandas do colectivo de traballadores/as de normalización da lingua. Os representantes da CTNL manifestáronlle ao secretario xeral que o colectivo achegará propostas de mellora no proceso de normalización lingüística, apoiará medidas de avance e oporase a calquera retroceso.

O presidente da Coordinadora de Traballadores/as de Normalización da Lingua (CTNL), Nel Vidal, xunto co secretario Xusto A. Rodríguez Río e a vogal Rosa Moreiras, entrevistáronse esta mañá co secretario xeral de Política Lingüística da Xunta de Galicia, Anxo Lorenzo, por iniciativa deste.

Os representantes da CTNL trasladáronselle ao secretario xeral que a postura do colectivo con respecto á SXPL sempre foi, e seguirá a ser, a mesma: achegamento de propostas de mellora no proceso de normalización lingüística, apoio ás propostas de avance que se queiran desenvolver e postura crítica e oposición ante calquera intento de retroceso e, agora mesmo, desde o goberno da Xunta do Partido Popular non houbo nin se anunciou ningún avance e, non obstante, xa se anunciaron varios moi graves retrocesos, que a CTNL non pode deixar de criticar. En concreto, algúns deses graves retrocesos anunciados e/ou xa consumados son o relegamento da SXPL á Consellería de Educación, o anuncio de derrogación do decreto de uso do galego no ensino e a ruptura unilateral por parte do goberno do PP do consenso que supuxo o PXNLG ou o anuncio de reforma da Lei de función pública para a retirada do exame que até agora era obrigatorio facer en galego nos procesos selectivos de acceso á función pública para garantir o coñecemento práctico e real da lingua galega por parte dos/as opositores/as. A CTNL considera estes aspectos graves retrocesos no proceso de normalización da lingua.

Ademais disto, destacóuselle o feito de que o discurso falso da “imposición do galego” que segue a facer o Goberno prexudica gravemente a lingua e dificulta obxectivamente o traballo de promoción e dinamización que os/as traballadores/as de normalización teñen encomendado, polo que se debería atallar canto antes.

Á parte destes aspectos, a Xunta Directiva da CTNL entregoulle ao novo responsábel da SXPL copia de diversos documentos onde se recollen as posturas e propostas da CTNL en relación con diversos aspectos das funcións e competencias da SXPL. En concreto, entregóuselle copia de documentos con propostas de mellora das convocatorias de subvencións aos servizos de normalización lingüística, con cadros que amosan o escaso resultado que nos últimos anos estas produciron; unha valoración xeral dos orzamentos da SXPL; ou un documento crítico coas validacións dos Celga. Tamén se lle entregou unha copia do relatorio de «Análise da acción de política lingüística desde o goberno galego nos últimos catro anos e propostas para a vindeira lexislatura», que o presidente da CTNL, en nome da Comisión Técnica do CDSG do Consello da Cultura, da que o propio Anxo Lorenzo formaba parte, presentou nos XI Encontros para a normalización lingüística. Aínda que este non é un documento da CTNL, a CTNL apoia en xeral a análise e as propostas que contén.

No transcurso da xuntanza, Anxo Lorenzo trasladoulles aos representantes da CTNL a súa intención de apostar nesta lexislatura pola creación dunha rede de servizos de normalización lingüística municipais para a dinamización e promoción da lingua galega que permita certa coordinación e colaboración nas diversas accións que de xeito illado se están a desenvolver até agora desde diversos SNL.

Para avanzar neste último aspecto, unha vella reivindicación do colectivo, a CTNL e a SXPL acordaron manter nas próximas semanas unha nova xuntanza, na que se tratarán, ademais, outras cuestións concretas de mellora da xestión e dos criterios dalgunhas das accións desenvolvidas pola SXPL nos últimos anos.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Xullo de 2022
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego