CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


1394 votos
Votar | | | |


22-01-2010

Consideracións xerais da CTNL sobre a planificación lingüística, a acción normalizadora e as «Bases para o decreto do plurilingüismo»

NL - CTNLAnte a aprobación por parte do goberno galego das «Bases para o decreto do plurilingüismo» e ante o debate que se está a producir e o clima de tensión que desde o goberno se creou coas súas declaracións, anuncios e medidas en política lingüística desde marzo de 2009, a CTNL fai públicas unhas consideracións xerais sobre a planificación lingüística, a acción normalizadora e as bases para o decreto aprobadas pola Xunta.

Consideracións xerais da Coordinadora de Traballadores/as de Normalización da Lingua Galega (CTNL) sobre a planificación lingüística, a acción normalizadora e as «Bases para o decreto do plurilingüismo» [.pdf, 149 KB]

Nestas consideracións, a CTNL manifesta o seu “apoio á fundamentada, argumentada, clarificadora e rigorosa análise realizada pola Real Academia Galega (RAG) a respecto das bases aprobadas e presentadas pola Xunta así como tamén a outros dous documentos previos, como son a «Proposta institucional sobre a lingua galega ao Parlamento de Galicia», do Consello da Cultura Galega (novembro de 2009) e «Unha lingua para todos», da Real Academia Galega (maio de 2009)”, e trasládalle ao goberno galego oito consideracións xerais argumentadas nun documento sintético de sete páxinas, tanto referidas á planificación lingüística e á acción normalizadora en xeral como ás «Bases para o decreto do plurilingüísmo».

Esas oito consideracións xerais da CTNL son, de xeito resumido:

1. Debido á situación sociolingüística do noso país, no ensino é necesario que haxa un decreto que teña obxectivos normalizadores, algo que non acontece neste borrador.

2. Lonxe de procurar novos ámbitos de uso, as bases para o decreto obrigan ao abandono do galego en determinados espazos do ensino, o que é totalmente contrario á promoción lingüística.

3. Non hai ningún motivo para que o galego deixe de ser a lingua da administración educativa, o que supón un grave paso atrás.

4. Darlles a nais e pais responsabilidades de elección da lingua no ensino contribuirá a un moi negativo arraigamento do clima de confrontación no seo da sociedade.

5. Un dos obxectivos do ensino ten que ser que os nenos e as nenas acaden o mesmo nivel en galego e castelán, e tecnicamente xa se demostrou que con menos da metade de materias en galego ese obxectivo non se cumpre.

6. Cos actuais certificados de coñecemento da lingua galega (Celga) e coa retirada do estabelecemento dunha proba en galego no acceso á función pública, reducir o número de horas do ensino en galego significa que non haberá garantías de que os/as traballadores/as da administración teñan suficiente competencia para desenvolver o seu traballo público na lingua propia de Galiza.

7. Para que as medidas de cara ao incremento do uso e prestixio da lingua galega sexan minimamente eficaces necesítase unha planificación lingüística seria, consenso político e implicación da sociedade.

8. Para acadar o necesario consenso e poder desenvolver un traballo eficaz e non conflitivo a prol da lingua galega entre todas e todos, cómpre erradicar do goberno o discurso de «imposición» vs. «liberdade» e outras mensaxes negativas.



O documento completo que a CTNL fai público e que será remitido á Xunta de Galicia pode consultarse, en .pdf, aquí.

INFORMACIÓN NOS MEDIOS:

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019

Avisos

    mes anterior
    Agosto de 2019
    mes seguinte
    Calendario da axenda de Artezanía de Galicia
    L M M X V S D
          1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31  
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego