18-06-2010XII Encontros para a normalización lingüística
O Consello da Cultura Galega, a través do CDSG e en colaboración coa CTNL, convoca os XII Encontros para a normalización lingüística, que terán lugar en Santiago de Compostela os días 23 e 24 de setembro de 2010. O prazo de matrícula está aberto até o 15 de setembro
Como cada ano desde 1998, o Centro de Documentación Sociolingüística de Galicia (
CDSG) do Consello da Cultura Galega convoca os Encontros pola Normalización Lingüística, que se ofrecen como foro de reflexión, estudo e debate da ampla variedade de asuntos relacionados coa promoción do idioma galego, dirixido aos e ás profesionais e estudosos/as da normalización lingüística, aos e ás estudantes e ás persoas interesadas pola problemática e as políticas lingüísticas en Galiza.
Esta XII edición destes Encontros vai focar a súa atención na acción da cidadanía nas súas diversas expresións organizadas e en aspectos sociais nun senso amplo, sen esquecer a liña que se vén seguindo nos Encontros de seguimento de iniciativas e propostas e de revisión de accións xa realizadas.
Información completa dos XII Encontros para a normalización lingüisticaOBXECTIVOS- Contribuír ao estudo, a reflexión e o debate sobre a planificación lingüística en Galiza
- Constituír un punto de encontro, análise e debate para todos/as aqueles/as profesionais que desenvolven o seu labor nos diferentes servizos de normalización lingüística en Galiza
- Colaborar na formación continua de especialistas en planificación lingüística
PERSOAS DESTINATARIAS- Técnicos/as de normalización lingüística que desenvolven o seu labor nos servizos de normalización lingüística
- Especialistas e estudosos/as do ámbito da planificación lingüística
- Docentes que formen parte dos equipos de dinamización lingüística
DATAS23 e 24 de setembro de 2010
LUGARFacultade de Ciencias da Comunicación. Santiago de Compostela
INSCRICIÓNA través do
seguinte formularioDo 15 de xuño ao 15 de setembro
PROGRAMA PROVISIONALXoves 23 de setembro10.00 h INAUGURACIÓN DOS ENCONTROS
10.15 h RELATORIO: A participación social na elaboración das políticas lingüísticas en Galicia
-Xaime Subiela
11.00 h COLOQUIO
11.30 h CAFÉ-ENCONTRO
12.00 h Presentación de PROXECTA: Estudo de actitudes e opinións lingüísticas. Enquisa 2009 do Consello da Cultura Galega
12.30 MESA DE TRABALLO: Redes sociais: novos vieiros de acción colaborativa da cidadanía
- Alba Cid. Investigadora da USC
- María Yáñez. A Navalla Suíza
13.30 h COLOQUIO
16.00 h RELATORIO: Actitudes cidadás e mobilización ante os problemas sociais
-José Manuel Sabucedo. Universidade de Santiago de Compostela
16.45 h COLOQUIO
17.15 h PAUSA
17.45 h Presentación de PROXECTA: Galeoke. O karaoke galego
18.15 h MESA DE TRABALLO: A acción colectiva pola lingua
- Coordinadora de Equipos de Normalización e Dinamización Lingüística
- GalegoLab
- Prolingua
- Queremos Galego
19.15 h COLOQUIO
Venres 24 de setembro10.00 h PRESENTACIÓN: A Rede de dinamización lingüística
-Anxo Lorenzo. Secretaría Xeral de Política Lingüística
10.45 h COLOQUIO
11.15 h CAFÉ-ENCONTRO
11.45 h Presentación de PROXECTA: Toupa.net. Cultura para levar
12.15 h PRESENTACIÓN: Experiencias de intervención no sector comercial
- Beatriz Bascoi. SNL Concello de Ferrol
- Concepción Cochón. SNL Concello de Pontevedra
- Rosa Moreiras. SNL Concello de Ames
13.00 h COLOQUIO
16.00 h RELATORIO: A identidade como reclamo publicitario
- Chechu Pérez e Alberto Dafonte. Creatividade Galega. Universidade de Vigo
16.45 h COLOQUIO
17.15 h PAUSA
17.45 h MESA DE TRABALLO: Mercado e lingua.
- Manuel Bermúdez. SNL da USC [A reclamación individual]
- Malú Bergantiños. R [O idioma como aposta empresarial]
- Iria Taibo. Abertos ao galego
- Foro Enrique Peinador
18.30 h CLAUSURA DOS ENCONTROS
PROXECTA. Mostra de servizos e produtos para a normalización lingüísticaDurante os Encontros para a normalización lingüística terá lugar na propia Facultade de Ciencias da Comunicación PROXECTA, unha mostra das entidades que producen, xestionan, promocionan e/ou ofrecen servizos e/ou produtos relacionados coa normalización da lingua galega e que llelos queren achegar a todas as persoas e entidades vinculadas a este ámbito.
A visita a esta feira-mostra é libre e de balde.
En
PROXECTA participarán:
-A Mesa pola Normalización Lingüística
-Algueirada. Acción cultural na rede
-Asociación de Medios Escritos en Galego
-Consello da Cultura Galega
-Coordinadora de Equipos de Dinamización e Normalización Lingüística
-Coordinadora de Traballadores/as de Normalización da Lingua (CTNL)
-Diversos servizos de normalización lingüística (SNL) de diferentes entidades
-Eu falo.tv
-Foro Enrique Peinador
-GalegoLab
-Libraría Pedreira (selección de libros sobre política lingüística)
-Punto.Gal
-Queremos Galego
-Reverso / 2.0 Editora
-Secretaría Xeral de Política Lingüística
-Tagen Ata. Lingua e Comunicación
-Toupa.net. Cultura para levar
ORGANIZAConsello da Cultura Galega. Centro de Documentación Sociolingüística de Galicia (CDSG)
COLABORAN-Coordinadora de Traballadores/as de Normalización da Lingua (CTNL)
-Secretaría Xeral de Política Lingüística
Información completa dos XII Encontros para a normalización lingüistica