CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Convocatorias


2336 votos
Votar | | | |


19-07-2010

Convócase o Premio Vía Galego para recoñecer a promoción das relacións coa lusofonía

Fundación Vía Galego
A Fundación Vía Galego convoca un premio para recoñecer o labor de persoas ou entidades pola súa promoción das relacións cos territorios do sistema lingüístico galego-portugués. O prazo de presentación de propostas remata o 1 de setembro


A Fundación Vía Galego convoca este ano a primeira edición dun galardón que recoñecerá de forma específica aquelas persoas ou entidades que desenvolvan un labor para mellorar as relacións de Galiza cos outros territorios do seu sistema lingüístico, o galego-portugués.

A Mesa pola Normalización Lingüística creou a Fundación Via Galego hai catro anos consciente de que un dos grandes problemas da nosa cultura é a falta de coñecemento e de comunicación cos outros territorios do sistema lingüístico ao que pertencemos, e por ese motivo crea agora este recoñecemento das boas prácticas que se desenvolven nese sentido.

O premio Via Galego outorgarase anualmente por esta Fundación declarada de interese público e de interese galego. As candidaturas a este galardón han de enviarse ao Padroado da Fundación Via Galego por correo electrónico (viagalego@viagalego.org) ou por correo postal (Rúa do Vilar, 15-1º dereita, Santiago de Compostela) antes do un de setembro deste ano. Xunto coa proposta, achegarase un currículo ou folla de méritos. A Fundación garante que as candidaturas se tratarán coa máxima confidencialidade.

Ademais, os membros do xurado (que será o propio padroado da Fundación) poderán tamén propor candidaturas e, se así o consideraren, optar por deixar deserto o premio. Nestes momentos conforman o padroado da Fundación Via Galego as seguintes persoas: Carlos Callón (presidente), Susana Romero (vicepresidenta), Iria Taibo (secretaria) e os vogais Xavier Alcalá, Miguel Barros, Fátima Braña, Quico Cadaval, Pilar García Negro, Carmela González Bóo, Adolfo Muíños, Bernardo Penabade, Fran Rei, Henrique Sáez Ponte e Xavier Vence.

O galardón Via Galego 2010, que reviste un carácter simbólico e carece de dotación económica, darase a coñecer o día 18 de outubro, aniversario da histórica manifestación en defensa da lingua galega.

BASES
PREMIO FUNDACIÓN VIA GALEGO 2010


1. O premio Via Galego é outorgado anualmente pola Fundación Via Galego.
2. O Premio Via Galego é un recoñecemento ao labor de persoas ou entidades pola súa promoción das relacións de Galiza cos outros territorios do sistema lingüístico galego-portugués.
3. As candidaturas ao premio Via Galego han de enviarse ao Padroado da Fundación Via Galego, por correo electrónico (viagalego@viagalego.org) ou por correo postal (Rúa do Vilar, 15-1º dereita, Santiago de Compostela) antes do un de setembro de 2010. Xunto coa proposta, achegarase un currículo ou folla de méritos. As candidaturas trataranse coa máxima confidencialidade. Os membros do xurado poderán tamén propor candidaturas e poderán optar por deixar deserto o premio.
4. Forman o xurado do premio Via Galego os membros do Padroado da Fundación Via Galego, cuxas deliberacións serán secretas.
5. O premio Via Galego, que reviste un carácter simbólico e carece de dotación económica, darase a coñecer o día 18 de outubro, aniversario da histórica manifestación en defensa da lingua galega.
6. As persoas ou entidades premiadas poderán facer mención nas súas comunicacións do outorgamento do premio.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019

Avisos

    mes anterior
    Setembro de 2019
    mes seguinte
    Calendario da axenda de Artezanía de Galicia
    L M M X V S D
                1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30       
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego