CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


8051 votos
Votar | | | |


29-10-2010

Xa está en marcha o programa Bocaberta 2010-2011

Bocaberta 2010-2011
Xa está en marcha Bocaberta 2010-2011, un programa de dinamización lingüística da Secretaría Xeral de Política Lingüística para promover a lingua galega entre os rapaces e as rapazas de 3 a 18 anos a través de actividades relacionadas coa música, a banda deseñada, a maxia, a expresión, etc.


Toda a información sobre o calendario de actividades do programa pode consultarse no boletín do proxecto.

Bocaberta inclúe as seguintes actividades:

AZOU
Dos 12 aos 18 anos
Proxecto musical concibido, deseñado e producido en exclusiva para adolescentes, baseado nas redes sociais. A idea e o espectáculo xiran arredor do proceso de creación dunha banda de música formada por dúas mozas e un mozo. Os protagonistas, cheos de enerxía e talento, cantan, bailan e poñen en escena unha proposta única que, facendo uso das últimas tendencias tecnolóxicas, mestura imaxes, sons e animacións.

DETRÁS DA CANCIÓN
Dos 12 aos 18 anos
Detrás da canción é unha actividade que consiste nun curso de música caseira de pouco menos de dúas horas, con Carlos Valcárcel, Projecto Mourente, e nun concerto acústico do grupo de pop galego The Homens, que desde o ano 2004 editou dous EP e outros tantos LP nos que combina a melodía pop coa furia do punk e os retrousos cantables. As inscricións nos obradoiros poden facerse en www.detrasdacancion.info.

EN CLAVE DE CONTO
Dos 5 aos 8 anos
Por unha banda, os obradoiros Eu falo así parten da canción “Cri-cri”, do disco A nena e o grilo, para identificar as distintas linguas nas que se canta o tema (inglés, francés, portugués, castelán, éuscaro...) e o seu idioma principal, o galego. Por outro lado, músicos, cantantes e actores de recoñecido prestixio participan no concerto-espectáculo A nena e o grilo, que amosa como a trama argumental dun conto pode ser representada e enriquecida desde o plano sonoro e lingüístico.

OLA, OLA, LA
Dos 4 aos 8 anos
Ola, ola, la! é unha aposta musical para quen lle gusta a electricidade máis rítmica a dar voltas polo corpo. A través das melodías do grupo infantil Mamá Cabra e coa axuda dun DVD-Karaoke, os nenos e nenas aprenderán a cantar as cancións coma se formasen parte da banda.

CANTA MÚSICA
Dos 5 aos 7 anos
Obradoiro impartido por Pablo Díaz e Olga Kirk de canto e xogos ten como finalidade a aprendizaxe de cancións infantís, xogos relacionados con estas cancións e coa fala (como adiviñas, trabalinguas ou rimas), así como algunha melodía cantada acompañada dos ritmos básicos da nosa cultura musical, para o que empregaremos pandeiretas, cunchas, castañolas e outras percusións menores

TI CREAS A HISTORIA
12 anos
A partir da historia de Os Megatoxos e o aprendiz de druída, o autor conducirá un obradoiro-conferencia, cheo de humor e contidos educativos, no que lles dará unha receita aos asistentes para crear unha boa historia, a súa propia historia.

GALIMATÍAS
Dos 13 aos 18 anos
Revista xuvenil gratuíta que achega as mellores historietas en lingua galega a todos os rapaces e rapazas. Gal e Matías, os protagonistas, son o álter ego de calquera adolescente, cos seus gustos, teimas e ideais.

ATRAPADOS NA TORRE
Dos 9 aos 12 anos
A través dos trucos e das ilusións, o proxecto pretende vencellar a lingua galega con espazos de diversión abertos á fantasía e, á vez, transmitir valores como os do esforzo, o traballo e a constancia para conseguir os soños de cada un.

CONTOS DE MAXIA
Dos 9 aos 14 anos
O espectáculo abre a porta á imaxinación: as palabras convértense en fascinantes historias máxicas e, con sorpresa, humor e diversión, amósase como con calquera palabra se pode facer maxia.

ABRAPALABRA
Dos 3 aos 11 anos
O mago Carlos Coira fai, en directo, sen trampa nin cartón, múltiples trucos a través dos que gozar da maxia das palabras, pero, tamén, aprender maxia dun xeito divertido e sobre todo, moi doado.

PALABRAS NO AR
Dos 8 aos 13 anos
Dirixido a escolares de educación infantil e primaria, Palabras no ar aposta pola expresión en galego mediante tres tipos de obradoiros: de oralidade, de escrita creativa e de gráfica creativa.

SEÑOR MUNDO, DÍGAME?
Dos 6 aos 8 anos
Señor mundo, dígame? é un recital de poesía e é tamén unha representación teatral que lle cede a palabra ao público para converterse en obradoiro de teatro.

VIVE OS CONTOS
8 e 9 anos
O que no seu comezo parece unha resposta sinxela convértese nun rompedeiro de cabeza e nun monte de aventuras que o levarán a unha reconsideración do seu pensamento sobre o rol das mulleres no seu contorno.

A GUERRA DAS BRUXAS
Dos 12 aos 16 anos
A guerra das bruxas é unha viaxe lúdica na que, a través dunhas xincanas e unha posterior actividade na web www.aguerradasbruxas.com, os rapaces e rapazas se introducen no mundo da bruxería e dos clans.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023

Avisos

    mes anterior
    Febreiro de 2023
    mes seguinte
    Calendario da axenda de Artezanía de Galicia
    L M M X V S D
        1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28      
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • Gústame... o galego
      • En defensa do traballo xusto e ilusionante dos SNL
      • Axenda da lingua
      • Envianos
      • Canles de novas da CTNL
      • Facebook da CTNL
      • Twitter da CTNL
      • Instagram da CTNL
      • Kit para a normalización en rede
      • Queremos Galego
      • Eu.gal: Por un dominio galego