CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


14184 votos
Votar | | | |


08-11-2010

Informe da CTNL sobre a creación da Rede de Dinamización Lingüística

Informe da CTNL sobre a creación da Rede de Dinamización Lingüística
Ante a creación da Rede de Dinamización Lingüística por parte da Xunta, a CTNL elaborou un informe no que se detectan numerosos problemas e incoherencias no proxecto e no que se fan propostas para que esa Rede poida ser minimamente efectiva


Descarga aquí o informe completo da CTNL sobre a creación da Rede de Dinamización Lingüística (.pdf, 285 KB) >

Os principais problemas detectados no proxecto son:
  • A figura da rede non é a mellor fórmula

  • Non ten sentido crear unha rede para coordinar o traballo en dinamización lingüística sen unidades técnicas que desenvolvan ese traballo

  • Para crear unha rede cumpriría estabilizar os poucos servizos de normalización existentes e crear outros novos, algo que non se fai

  • Aos concellos non se lles pide ningunha condición mínima, nin sequera o uso do galego e o compromiso coa súa promoción

  • Confúndese a finalidade cos medios. A dinamización non pode ser un fin, senón que ten que ser un medio para acadar a normalización

  • Os concellos poden estar representados na Rede por técnicos/as sen ningún coñecemento nin competencia en normalización lingüística

  • Nin a Dirección Xeral de Administración Local, nin a Fegamp, nin outras entidades con competencias en normalización lingüística están formalmente representadas

  • O excesivo control da SXPL sobre os órganos da Rede permítelle tomar as decisións que queira en nome de todos

  • Carencia total de recursos económicos e humanos para a Rede ao mesmo tempo que un drástico recorte orzamentario para a creación e mantemento de servizos de normalización lingüística

  • Os retrocesos lingüísticos en distintos ámbitos e o clima social desfavorábel ao proceso de normalización lingüística impulsados desde o propio goberno dificultan o proxecto

  • Unha orde de creación chea de contradicións

Ante estes problemas, as conclusións xerais e propostas da CTNL para unha Rede minimamente válida son:

Desde a CTNL consideramos que esta Rede de Dinamización Lingüística non é unha ferramenta útil para mellorar o proceso de normalización da lingua galega. Mais –aínda que consideramos que sería necesario constituír un consorcio interadministratio para coordinar a planificación lingüística e corresponsabilizar as distintas administracións para acadar o obxectivo da normalización lingüística–, cremos que esta Rede podería chegar a ser un ferramenta minimamente válida se se desen as seguintes condicións:
  • A Rede tería que ser unha ferramenta de traballo horizontal real entre os servizos de normalización lingüística (SNL), para o que, previamente, desde a Xunta teríase que fomentar de xeito decidido, e cos recursos necesarios, a estabilización dos SNL existentes e a creación doutros novos, preferentemente con equipos técnicos multidisciplinares e de ámbito comarcal.

  • Aos concellos que quixesen formar parte da Rede deberíaselles pedir unha serie de condicións lóxicas mínimas, como, por exemplo, contar cun SNL propio ou compartido; comprometerse formalmente a cumprir cos obxectivos e a desenvolver as accións sinaladas no Plan xeral de normalización da lingua galega; contar, no prazo de dous anos, cunha ordenanza ou regulamento de impulso do uso do galego; desenvolver programas que teñan por obxectivo o incremento do uso e prestixio da lingua galega; etc.

  • Non se poden confundir os medios cos obxectivos, e tense que ter claro que a dinamización lingüística é un dos medios para acadar o obxectivo da normalización lingüística.

  • A Rede debería ser un proxecto inclusivo que contase con todas as entidades que ten que contar, e a Secretaría Xeral de Política Lingüística non pode ter un excesivo control sobre todos os órganos, e menos tomando as decisións en nome dos demais.

  • Ten que estar dotada cos recursos económicos e humanos necesarios.

  • Debe mudar totalmente a actitude da Xunta con respecto á lingua e teñen que cesar os pasos atrás no proceso de normalización lingüística desde a Administración autonómica.

Descarga aquí o informe completo da CTNL sobre a creación da Rede de Dinamización Lingüística (.pdf, 285 KB) >

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Xuño de 2024
    mes seguinte
    Calendario da axenda de Artezanía de Galicia
    L M M X V S D
              1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    Próximos eventos

      • Asociate á CTNL
      • Agasallo. Propostas de regalos en galego
      • LGx15
      • Premios Mil Primaveras
      • Viveiro de propostas normalizadoras
      • En defensa do traballo xusto e ilusionante dos SNL
      • Envianos
      • Canles de novas da CTNL
      • Facebook da CTNL
      • Twitter da CTNL
      • Instagram da CTNL
      • Kit para a normalización en rede
      • Proxector
      • Queremos Galego
      • Eu.gal: Por un dominio galego