CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


9442 votos
Votar | | | |


23-11-2010

Na Facultade de Dereito da USC queren terlle lei á lingua

Témoslle lei
Esta semana comezou por sorpresa na Facultade de Dereito da Universidade de Santiago de Compostela unha campaña co obxectivo de incrementar a porcentaxe de docencia en galego. Para a difusión desta campaña utilizánse diversos materiais, así como un vídeo [no interior] no que participan diversas persoas de relevancia na Xustiza galega


30 de cada 100 horas de docencia en galego, este é o obxectivo da campaña no prazo de tres anos.

Se iso se consegue, a campaña Témoslle Lei conseguiría triplicar as actuais cifras de uso da lingua galega na docencia da Facultade de Dereito da USC, que o pasado curso se situaban no 11,88% das horas.

Témoslle lei é unha iniciativa que acaba de poñerse en marcha dirixida ao alumnado deste centro compostelán co obxecto de sensibilizalo a respecto da utilización da lingua galega no propio centro e no mundo profesional.

Témoslle Lei- Os profesionais opinan from temosllelei on Vimeo.



Dise da acción de gardar fidelidade, sentir simpatía ou terlle un grande aprezo, o lema elixido Témoslle Lei incide no feito de que o galego conta con lexislación que o protexe e fomenta ata lograr a igualdade real das dúas linguas cooficiais en todos os ámbitos e, asemade, na cuestión afectiva e identitaria cara a esta lingua.

Durante tres días, en quendas de mañá e tarde, alumnos de Dereito de diversas asociacións estudantís repartirán entre o estudantado do centro o material da campaña: unha bolsa co lema Témoslle Lei, dous folletos con argumentario e un cd-rom coa escolma, en galego, das leis máis importantes que se estudan durante a carreira, así como recursos lingüísticos dos que podan botar man á hora de utilizaren o galego na súa vida académica.

A posta en escena da campaña realizouse por sorpresa este luns na Facultade de Dereito, onde ademais do reparto de material, os universitarios tiñan á súa disposición un vídeo no que diversos profesionais do mundo do Dereito opinan sobre o uso da lingua neste ámbito. O fiscal xeral de Galiza, Carlos Varela; a maxistrada do Social en Santiago, Paz Filgueira; o xuíz Luís Villares; o decano do Colexio de Avogados de Santiago, Evaristo Nogueira; o secretario do Concello de Outes, Xaquín Monteagudo; e os profesores da Facultade de Dereito José Antonio Gómez Segade e Antonia Nieto Alonso participan neste vídeo e animan ao PDI e ao alumnado do centro a incorporar a lingua galega no seu quefacer profesional.

Témoslle Lei forma parte dun plan desta Facultade compostelá, aprobado en decembro de 2009, para aumentar e mellorar o uso do galego en Dereito en tres cursos académicos. Como complemento da campaña, existe unha páxina web e un perfil de Facebook aberto a todas as persoas interesadas en coñecer en detalle a iniciativa.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Xuño de 2022
    mes seguinte
    Calendario da axenda de Artezanía de Galicia
    L M M X V S D
        1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30    
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego