Lingua

21-01-2011

Concursos de Galeoke, vídeo, manifesto, banda deseñada... en marcha o Correlingua 2011

Concurso de vídeo
Eu falo galego porque... Esta é frase coa deberán comezar os vídeos presentados. A duración máxima debe ser de tres minutos. Estes vídeos serán colgados na páxina web do Correlingua e en diferentes redes sociais (Facebook, Tuenti, twiter...). Os vídeos finalistas serán proxectados no acto de presentación do Correlingua, e haberá premio para o grupo gañador.
-Prazo de presentación: até o 1 de abril
Bases completas do concurso de vídeo (.pdf) >

Concurso de Galeoke
O Correlingua promove un concurso de karaoke utilizando a última novidade tecnolóxica en galego, o Galeoke! Nas festas finais do Correlingua de cada comarca poderán participar as mellores galeokeiras e galeokeiras dos centros de ensino, e seguro que farán un Correlingua ben máis divertido!

O concurso contará con dúas fases.
Na primeira, no centro de ensino, escollerase a/o que mellor puntuación obteña.
Na segunda, de entre todos os centros dunha zona, os cinco primeiros participarán nunha final na festa do Correlingua!
A inscrición dos centros de ensino pode facerse aquí >

Concurso para o manifesto
A partir do lema "Somos galego", o alumnado de Secundaria, en grupos, poderá elaborar o manifesto para o Correlingua 2011.
-Premio: unha viaxe para o grupo gañador
-Prazo de inscrición: até o 1 de febreiro
-Prazo de envío de traballos: até o 15 de febreiro
Bases completas do concurso de manifesto (.pdf) >

Concurso de banda deseñada
Os/as alumnos/as de Infantil e Primaria poden participar, en grupo, neste concurso de banda deseñada, tamén a partir do lema "Somos galego".
-Prazo de inscrición: até o 1 de febreiro
-Prazo de envío de traballos: até o 15 de febreiro
-Premio: unha viaxe para o grupo gañador
Bases completas do concurso de banda deseñada (.pdf) >

Cantalingua
Concurso musical para grupos que fagan as súas cancións en galego.
-Prazo: até o 10 de abril
-Premio: 14 concertos, pagados a 700 euros cada un
Info completa en http://www.komunikando.net/cantalingua/

Información completa sobre o Correlingua en www.correlingua.org