CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


7360 votos
Votar | | | |


24-01-2011

Política Lingüística menospreza os SNL dos concellos na convocatoria dos cursos Celga

A CTNL denuncia que a Xunta de Galicia reduce a oferta de cursos de galego para persoas adultas, fai unha distribución inxusta e arbitraria destes, non garante unha formación de calidade, menospreza os SNL dos concellos e elimina unha das dúas convocatorias de exames para poder obter o Celga


A pasada semana a Xunta de Galicia fixo pública a convocatoria dos cursos de galego destinados á formación de persoas adultas para a preparación das probas Celga cunha forte redución no número de cursos (45 menos que en 2010) e cunha ausencia total de planificación e transparencia, polo que a Coordinadora de Traballadores/as de Normalización da Lingua (CTNL) lle acaba de solicitar á Xunta que corrixa todas as graves eivas detectadas.

Ademais da notábel redución no número de cursos, a CTNL denuncia a falta de planificación, xa que a Xunta organiza directamente unha serie de cursos en concellos que de xeito arbitrario decide a Secretaría Xeral de Política Lingüística (SXPL) sen unha planificación territorial previa cuns criterios minimamente claros e, nalgúns casos, sen sequera contacto previo con eses concellos.

A pesar de que xa en outubro de 2009 a CTNL lle remitira SXPL unha proposta para corrixir os numerosos problemas que había nestes cursos, a SXPL fíxolle caso omiso e non tivo en conta as propostas de mellora sinaladas polos/as técnicos/as.


Descoordinación na Consellería de Educación

E aos problemas detectados en edicións anteriores, súmaselle este ano a descoordinación total dentro da Consellería de Educación, que nunha mesma semana fai dúas convocatorias distintas de cursos preparatorios para os Celga, na maioría dos casos nos mesmos lugares, épocas e horarios, uns organizados pola SXPL e outros polas escolas de idiomas. Esta dobre convocatoria supón, por un lado a duplicación de procedementos e prazos de inscrición e a dispersión da oferta e da información, e por outro, que haxa cursos preparatorios para uns exames que non teñen en conta as datas deses exames, pois outro dos graves recortes que a SXPL fai este ano é o da eliminación dunha das dúas convocatorias de probas para poder obter o Celga.


Eliminación dunha das probas para obter o título Celga

A eliminación dunha das convocatorias de exames poderalles provocar graves prexuízos a persoas que suspendan nesa convocatoria, xa que terán que agardar un ano enteiro para teren outra oportunidade de obter un certificado de lingua galega, o que pode suporlles problemas en procesos selectivos, concursos de traslados, listaxes de contratación, etc.


Desconsideración dos servizos de normalización lingüística (SNL) dos concellos

Ademais, a CTNL, entidade que agrupa á gran maioría dos traballadores/as de normalización da lingua, denuncia a desconsideración absoluta dos servizos de normalización lingüística (SNL) dos concellos que, na práctica, son quen maioritariamente xestionan e difunden eses cursos e a inscrición das persoas participantes. A CTNL denuncia que non hai ningún contacto nin coordinación previa cos SNL por parte da SXPL e nin sequera se teñen en conta na convocatoria. Os concellos teñen que solicitar eses cursos ao mesmo nivel que unha entidade privada que puntualmente quere organizar un curso para os/as seus/súas socios/as ou membros, o que non é xusto, pois os cursos xestionados desde os SNL municipais son amplamente publicitados, ofrécenselles á cidadanía en xeral, organízanse desde unha administración pública e procuran ter continuidade ao longo dos anos dentro dunha planificación.

Deste xeito, a CTNL remitiu un escrito dirixido a Anxo Lorenzo, secretario xeral de política lingüística, no que solicita que na convocatoria, organización e xestión dos cursos preparatorios para a obtención do Celga se corrixan todas estas graves eivas sinaladas e que para a obtención do Celga haxa, como mínimo, dúas convocatorias anuais de exames.


Ligazóns relacionadas

Solicitude da CTNL para que se modifique a convocatoria de cursos Celga 2011 (.pdf)

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Xaneiro de 2022
    mes seguinte
    Calendario da axenda de Artezanía de Galicia
    L M M X V S D
              1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31       
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego