CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

CTNL


1789 votos
Votar | | | |


14-03-2011

A CTNL insta aos partidos políticos a incluír a normalización lingüística nos seus programas electorais

A CTNL insta aos partidos políticos a incluír nos seus programas electorais a promoción do galego
Ante as próximas eleccións municipais do 22 de maio, a CTNL dirixiuse aos partidos políticos para proporlles que inclúan nos seus programas a creación ou potenciación de servizos de normalización lingüística (SNL) dotados de recursos humanos e orzamentarios, para promocionar o uso e prestixio do galego en todas as accións do concello e en todos os ámbitos do municipio


A Coordinadora de Traballadores/as de Normalización da Lingua (CTNL) dirixiuse aos/ás responsábeis das distintas organizacións políticas galegas para proporlles que inclúan nos seus programas para as vindeiras eleccións municipais a creación –ou potenciación e consolidación, de ser o caso– de servizos de normalización lingüística (SNL) estábeis e con capacidade de intervención social. A CTNL tamén lles fará a proposta adaptada para cada unha das sete cidades a todos os candidatos e a todas as candidatas á Alcaldía desas cidades.

Para manter a visión desde a óptica que só pode dar a lingua propia
Segundo a entidade que agrupa aos/ás traballadores/as do ámbito, “a normalización lingüística é un proceso social que procura, ao abeiro da lexislación vixente, a xustiza no ámbito sociolingüístico, para que os galegos e as galegas poidamos manter a visión do mundo desde a óptica que só nos pode dar a lingua propia do noso territorio”. Por isto, sinalan, “é responsabilidade de todos e de todas contribuírmos a manter a diversidade e a riqueza lingüística e cultural do mundo, para que poidamos chamarlles ás cousas cos nomes xenuínos que aquí se lles deron”.

Por estas razóns, sinalan, “as administracións teñen a obriga legal e a responsabilidade social de apoiar e promover a lingua galega”. Como se indica na proposta que a CTNL lles enviou ás distintas organizacións, “para desenvolveren e implementaren as súas políticas en calquera ámbito, os concellos dótanse de instrumentos técnicos”, así, exemplifican, “para desenvolveren a política urbanística teñen departamentos de urbanismo; para desenvolveren as políticas culturais teñen departamentos de cultura...” E no ámbito da política lingüística eses departamentos técnicos son os servizos de normalización lingüística.

Na actualidade contan con SNL arredor de 60 concellos, e na maioría dos casos estes son inestábeis, as condicións laborais dos seus traballadores e das súas traballadoras son precarias, apenas están dotados con recursos económicos para a súa actividade e, en moitos casos, non desenvolven accións dinamizadoras entre a sociedade.

Por uns SNL estábeis e dotados de recursos humanos e económicos
Por estas razóns, a CTNL solicítalles aos partidos políticos que inclúen no seu programa, entre outras medidas, “a promoción do uso e prestixio do galego en todas as accións do concello e en todos os ámbitos do municipio”, para o que deberán comprometerse á “creación ou potenciación dun servizo de normalización lingüística (SNL) estábel, dotado de recursos humanos e partida orzamentaria suficiente para a promoción da lingua galega”.


Ligazóns relacionadas

Proposta da CTNL para as eleccións municipais 2011 (.pdf)

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018

Avisos

    mes anterior
    Decembro de 2018
    mes seguinte
    Calendario da axenda de Artezanía de Galicia
    L M M X V S D
              1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31       
    Próximos eventos

    • Agasallo. Propostas de regalos en galego
    • Asociate á CTNL
    • Gústame... o galego
    • Viveiro de propostas normalizadoras
    • Proposta para a mellora da planificación e xestión dos Celga
    • Traballarmos en dinamización lingüística | Isa Vaquero
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Kit para a normalización da lingua
    • Queremos Galego
    • Eu.gal: Por un dominio galego