CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


8708 votos
Votar | | | |


31-10-2011

A CGENDL e a Aula Castelao de Filosofía, Premio Xoán Manuel Pintos 2011 polo fomento da lingua

Premio Xoán Manuel Pintos
O Concello de Pontevedra e a Rede de Entidades Amigas da Lingua (REAL) concedéronlle o Premio Xoán Manuel Pintos 2011 de impulso da normalización lingüística á Coordinadora Galega de Equipos de Normalización e Dinamización da Lingua (CGENDL) e á Aula Castelao de Filosofía


O Concello de Pontevedra e a Rede de Entidades Amigas da Lingua (REAL) convocan o premio Xoán Manuel Pintos. Este galardón ten o obxectivo de facer recoñecemento público ao labor de impulso do uso da lingua galega e ao mesmo tempo manter viva a memoria do xurista e escritor Xoán Manuel Pintos, figura central do Rexurdimento.

Ademais, este ano o galardón cobra un sentido especial, ao inserirse dentro dos actos do Ano Xoán Manuel Pintos co que o Concello de Pontevedra celebra o bicentenario do nacemento deste autor; un dos pioneiros no compromiso coa defensa e a divulgación da lingua galega na súa obra.

O xurado estivo formado por Demetrio Gómez Xunqueira, concelleiro de Normalización Lingüística; tres representantes do movemento asociativo pontevedrés: Gonzalo Sancho, da asociación Vaipolorrío, Xosé Rei da Mesa pola Normalización Lingüística e Ernesto Filgueira do Centro Comercial Urbano Zona Monumental; tres persoas de recoñecido prestixio no seu traballo a prol da lingua galega: Pablo Rodríguez Torres de Reizentolo (entidade premiada o ano pasado), Ana Acuña Trabazo (Universidade de Vigo) e Xaime Toxo (Ateneo de Pontevedra); Concepción Díaz Candán (representando a Administración autonómica a través do Gabinete de Política Lingüística en Pontevedra); Luís Losada Rodríguez (do CEIP San Benito de Lérez, representando os ENDL dos centros de ensino de Pontevedra), Juan de Sola (representando o Colexio de Xornalistas de Galicia) e Concepción Cochón, técnica de normalización lingüística no Concello de Pontevedra.

O xurado decidiu, por unanimidade, outorgarlle o premio ao labor desenvolto durante o ano en curso á Coordinadora Galega de Equipos de Normalización Lingüística. O xurado salientou o traballo da Coordinadora non só polo labor que está a facer como asociación, senón tamén porque exemplifica e aglutina os equipos de normalización lingüística de todo o país. Tivéronse en conta, de maneira especial, as campañas que este colectivo vén desenvolvendo neste último ano; con elas contribúen a ligar o uso da lingua galega a novos campos do coñecemento e da tecnoloxía, dirixíndose sempre á infancia e á mocidade galegas. As profesoras e profesores dos equipos de normalización desenvolven o seu traballo a prol da lingua en condicións moi duras, mais cun compromiso, dedicación e paixón que lles transmiten ao resto de integrantes dos equipos, de maneira especial ao alumnado. No traballo destas persoas está boa parte do futuro da nosa lingua.

O xurado tamén decidiu por unanimidade que o premio ao traballo de xeito continuado ao longo de toda a súa traxectoria recaia na Aula Castelao de Filosofía. Esta asociación leva trinta anos a defender a lingua galega, tal e como recollen nos seus obxectivos fundacionais. A súa traxectoria sempre estivo fortemente implicada co compromiso activo coa nosa lingua e a nosa terra. Cada ano, a Aula fai posible que o galego sexa unha lingua normal na transmisión e no debate do pensamento científico máis actual. Nas súas actividades sobrancea a capacidade de divulgación do máis fondo pensamento científico, sempre desde o galego. Ao longo da súa existencia, os homes e mulleres que foron dándolle vida á Aula mantiveron o compromiso firme e reflexivo coa normalización da lingua galega na sociedade e no ensino, nun exemplo firme de coherencia e dignidade.

Ademais, o xurado propón facer unha mención especial ás e aos profesionais que estiveron a traballar en todos os medios de comunicación en galego que pecharon no último ano, como Vieiros, A Nosa Terra, Xornal Diario, Galicia Hoxe e A Peneira. As profesionais e os profesionais destes medios traballaron defendendo a lingua, a cultura e a información en galego. A extinción dos medios de comunicación na nosa lingua impídelles continuar co seu labor de compromiso co país e co galego. Xa que logo, o xurado fai unha mención especial aos xornalistas e ás xornalistas dos medios de comunicación que fixeron e fan esforzos para visibilizar a lingua galega nos medios de comunicación. Asemade, o xurado fai un chamamento a toda a sociedade, á Xunta de Galicia e ao resto das institucións galegas para apoiaren todas as iniciativas que permitan a existencia de medios de comunicación en lingua galega.

Os premios Xoán Manuel Pintos entregaranse no transcurso dun acto público o xoves 24 de novembro de 2011.

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Maio de 2022
    mes seguinte
    Calendario da axenda de Artezanía de Galicia
    L M M X V S D
                1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31      
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego