CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Formación


4618 votos
Votar | | | |


04-10-2020

Curso sobre estratexias de comunicación para servizos de normalización lingüística

Estratexias de comunicación para SNL
A CTNL organiza un curso sobre estratexias de comunicación para servizos de normalización lingüística, que se desenvolverá en liña a través do Campus Remoto da Universidade de Vigo. Impartirao Emma Torres Romay, profesora titular de Estratexia Publicitaria da UVigo, e terá lugar os días 22, 23, 29 e 30 de outubro e 5 e 6 de novembro de 9.00 a 11.00 h.


POR QUE ESTE CURSO?

A finalidade desta actividade formativa é dotármonos de estratexias e ferramentas para mellorar a comunicación do traballo de normalización da lingua, tanto facendo uso dos medios de comunicación convencionais como creando medios propios.

OBXECTIVOS DO CURSO

- Comprender a realidade dos medios de comunicación en Galicia
- Entender os conceptos de cultura e identidade corporativa
- Entender o funcionamento dos departamentos de comunicación institucional
- Deseñar plans estratéxicos de comunicación para institucións locais
- Adaptar a comunicación aos distintos públicos de interese
- Desenvolver habilidades para a relación cos medios de comunicación
- Entender os procesos de contratación de publicidade
- Optimizar a capacidade de xestión dos medios dixitais propios dos SNL
- Desenvolver habilidades para crear contidos de interese para os medios dixitais
- Capacitar para crear un social media plan
- Comprender os resultados das estratexias implementadas

CONTIDOS

O curso combinará contidos teóricos con exercicios e actividades prácticas, todo adaptado á realidade do traballo de normalización da lingua, especialmente en SNL. Os contidos distribúense en tres bloques temáticos:

I. Conceptos básicos sobre estratexias de comunicación
1.1. Comunicación e medios
1.1.1. Conceptos básicos para a creación de estratexias de comunicación
1.1.2. Panorama xeral dos medios de comunicación en Galicia
1.2. Comunicación e institucións
1.2.1. Cultura corporativa e estratexia política
1.2.2. Identidade corporativa: marketing, branding e outros conceptos
1.2.3. Comunicación interna e externa
1.2.4. Funcionamento dos departamentos de comunicación
1.3. Plans estratéxicos de comunicación
1.3.1. O procedemento estratéxico: técnicas e deseño
1.3.2. Elementos básicos da estratexia: obxectivos e posicionamento
1.3.3. O públicos de interese
1.3.4. A axenda estratéxica

II. Estratexias de comunicación convencionais
2.1. Os medios gañados
2.1.1. A relación cos medios de comunicación
2.1.2. Ferramentas de comunicación
2.2. Os medios pagados
2.2.1. A xestión da publicidade
2.2.2. Ferramentas de comunicación

III. Estratexias de comunicación dixitais
3.1 Comunicación en contornas dixitais
3.1.1. Dinamización e xestión de plataformas
3.1.2. Viralización
3.2. Estratexias de contidos (branded content e brand journalism)
3.3. Social media plan e community manager
3.4. Monitorización e medición de resultados

As actividades prácticas incluirán:

- tarefas de análise sobre a situación comunicativa dos SNL, sobre a audiencia e o seguimento de medios locais, sobre a identidade corporativa, sobre o paso da nota de prensa á información…
- exercicios de deseño e elaboración de ferramentas comunicativas: mapas de públicos, plans estratéxicos e de acción, notas de prensa, publicacións en redes sociais, accións coordinadas de comunicación…

DOCENTE

Emma Torres Romay, profesora titular de Estratexia Publicitaria na Universidade de Vigo e doutora en Comunicación Audiovisual e Publicidade pola mesma universidade.

Ten tamén experiencia profesional na Radio Galega e nos gabinetes de prensa da Consellería de Xustiza e da Universidade de Vigo.

PERSOAS DESTINATARIAS

- Técnicos/as de servizos de normalización lingüística (SNL)
- Traballadores/as de empresas, asociacións e outras entidades relacionadas coa normalización da lingua
- Persoas interesadas en traballar pola normalización da lingua

Límite de prazas: 25.

FORMATO DO CURSO

O curso desenvolverase en liña a través da sala virtual da docente no Campus Remoto da Universidade de Vigo:

https://campusremotouvigo.gal/

O alumnado recibirá unha ligazón e un contrasinal para acceder á sala virtual e participar no curso. A sala conta cun cartafol de arquivos e sala de videoconferencia. O uso da sala de videoconferencias é sinxelo e intuitivo e permite intervir por escrito ou mediante a voz.

Necesidades técnicas para participar no curso:
- Equipo informático con navegador e software flash actualizados
- Altofalantes, cámara e micro.
- Conexión estable a Internet e con certa largura de banda.

DATAS E HORARIO

As sesións do curso terán lugar os días 22, 23, 29 e 30 de outubro e o 5 e 6 de novembro, de 9 a 11 horas.

DURACIÓN DO CURSO

14 horas (12 de conexión síncrona e 2 de traballo persoal)

PRAZO DE INSCRICIÓN

-Do 5 ao 16 de outubro de 2020

AVISO: non se habilitará o formulario de inscrición ata que comece este prazo.

ORGANIZA
- CTNL

COLABORAN
- Universidade de Vigo
- Secretaría Xeral de Política Lingüística da Consellería de Cultura, Educación e Universidade

Información completa e formulario de inscrición.

Convocatoria completa en .pdf


Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024

Avisos

    mes anterior
    Marzo de 2024
    mes seguinte
    Calendario da axenda de Artezanía de Galicia
    L M M X V S D
            1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • En defensa do traballo xusto e ilusionante dos SNL
    • Envianos
    • Canles de novas da CTNL
    • Facebook da CTNL
    • Twitter da CTNL
    • Instagram da CTNL
    • Kit para a normalización en rede
    • Proxector
    • Queremos Galego
    • Eu.gal: Por un dominio galego