CTNL

Actualmente non ten instalado ou necesita actualizar o plugin Flash Player necesario para visualizar correctamente esta web
pode descargalo na siguiente dirección.
Obtener Flash

A CTNL formámola... A CTNL formámola...
Recursos na rede Recursos na rede

Lingua


2120 votos
Votar | | | |


09-11-2020

I Certame GaleTikTokers

I Certame GaleTikTokers
O Servizo de Normalización Lingüística e o Departamento de Mocidade do Concello de Ames convocan o I Certame #GaleTikTokers, co obxectivo de estimular a creatividade e fomentar a creación de vídeos en galego entre a mocidade. Está dirixido a mozas e mozos a partir de 14 anos. O prazo de inscrición finaliza o 30 de novembro.







O Concello de Ames, a través do Servizo de Normalización Lingüística e o Departamento de Mocidade, organiza un concurso dirixido a todas as mozas e mozos amesáns a partir dos 14 anos. Trátase do I Certame GaleTiktokers, un proxecto que pretende estimular a creatividade entre a mocidade, animar a creación de vídeos en galego con novos formatos e temáticas e darlle visibilidade á comunidade galega de tiktokers.

Poderase participar de forma individual ou por parellas, e establécense dúas categorías en función da idade. Na primeira categoría entrarán rapazas e rapaces de 14 a 16 anos, ambas as dúas idades incluídas; na segunda, incluiranse mozas e mozos a partir de 17 anos.

Características e condicións dos vídeos

Os vídeos que se creen para este certame teñen que estar en lingua galega e deben ser de creación propia, a través da aplicación TikTok. Será obrigatorio que a lingua teña presenza, xa sexa de xeito oral, escrito ou musical. As pezas, de temática libre, deben ter unha duración comprendida entre 15 e 60 segundos.

Non se admitirán vídeos que promovan unha mensaxe violenta, denigrante ou ofensiva. Poderanse crear pezas audiovisuais relacionadas coa música, o humor, o baile, a interpretación, os efectos especiais, o deporte etc.

Prazo e procedemento de inscrición

Para inscribise no certame GaleTiktokers deberase enviar ao enderezo electrónico galetiktokers@gmail.com un correo electrónico onde se anexe:
- a ficha de participación cuberta, asinada (no caso de menores de idade asinarán os/as representantes legais) e acompañada dos documentos requiridos nela;
- o vídeo con que se participa no certame.

A organización comprobará que se cumpren os requisitos e validará a inscrición a través dun correo de confirmación.

O prazo de inscrición remata o 30 de novembro de 2020.

Premios

As bases do certame establecen catro premios de 150 euros, dous en cada categoría: premio do público e premio do xurado.

Os premios do público levaranos as pezas que obteñan máis “gústame” no perfil de Instagram @omixames en cada unha das categorías.

O resto dos premios decidiraos o xurado que valorará os vídeos, tanto na forma como no contido, tendo en conta aspectos como a orixinalidade, a creatividade, a claridade e a calidade lingüística. Nesta primeira edición, o xurado estará composto por Esther Estévez (#Digochoeu da CRTVG), Miguel Silva (Aquel-e) e Mario Brión (Olaxonmario).

Máis información e bases no web do Concello de Ames

Utiliza a nova

Enviar por Email  Enviar nova
Redes sociais  Chuza! Meneame del.icio.us digg Fresqui

Comentarios


Hemeroteca:  2007 2008 2009 2010 2011 2012 2013 2014 2015 2016 2017 2018 2019 2020 2021 2022

Avisos

    mes anterior
    Xaneiro de 2022
    mes seguinte
    Calendario da axenda de Artezanía de Galicia
    L M M X V S D
              1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31       
    Próximos eventos

    • Asociate á CTNL
    • Agasallo. Propostas de regalos en galego
    • LGx15
    • Premios Mil Primaveras
    • Viveiro de propostas normalizadoras
    • Gústame... o galego
    • En defensa do traballo xusto e ilusionante dos SNL
    • Axenda da lingua
    • Envianos
    • Canles de novas da CTNL
    • Facebook da CTNL
    • Twitter da CTNL
    • Kit para a normalización en rede
    • Queremos Galego
    • Eu.gal: Por un dominio galego